「玩具大王」蔡志明兒子蔡加讚同太太汪圓圓、「宇宙最強」甄子丹同太太汪詩詩及詩詩表妹湛琪清，日前趁復活節假期一齊飛往加拿大多倫多參加表姐妹嘅婚禮，咁大班人可以同行真係難得。

詩詩喺社交網站上載多張同妹妹嘅合照，祝圓圓生日快樂。（互聯網圖片）

適逢前日（二十七日）係圓圓嘅三十歲生日，圓圓嗰晚就喺個人社交網站上上載同一眾表兄弟姊妹嘅大合照，仲留言話非常開心，同埋食咗一餐完美嘅生日早餐添！每個人臉上都掛着露齒嘅笑容，可見十分溫馨！

而圓圓嘅家姐詩詩亦分別喺個人社交網站上，上載自己拼合多張同妹妹嘅合照，仲留言大讚圓圓美麗又聰明等等，好慶幸有佢呢個妹妹，祝妹妹生日快樂！

第一手消息請下載on.cc東網iPhone/iPad/Android/Windows Phone Apps