城中鏡：諸葛紫岐母子甜蜜遊埠

名模Marie諸葛紫岐育有一子，近日趁復活節學校假期，佢即刻帶囝囝外遊「拍拖」，佢喺微信上載同囝囝出發嘅照片，Marie咬着囝囝嘅耳仔玩，囝囝即伸脷送吻，互相錫到燶。Marie話：「竟然同我一樣喜歡咬耳朵，不過我就真係唔太喜歡吐舌親吻啦，今日我一個帶三個去旅行。」

諸葛紫岐（右）趁復活節假期帶囝囝外遊。

母子兩人玩咬耳仔，諸葛紫岐（右）錫到囝囝燶。

點解係一個帶三個？原來呢次旅行，Marie帶同兩位工人姐姐出發，齊坐頭等機艙，網友讚工人姐姐衣着好，兼坐頭等艙，可見僱主待佢哋不薄。