政壇：徐英偉四口家遊星洲晒幸福
民政事務局政治助理徐英偉一家四口趁復活節假期飛咗去新加坡休假，尋日喺社交網站上載到當地環球影城「打卡」嘅照片，當中徐英偉同太太好合拍，齊齊戴上太陽眼鏡，而兩歲幾嘅細仔最幸福，可以全程安坐喺BB車，至於近五歲嘅大仔就要做「步兵」喇！
徐英偉（左一）一家四口到新加坡環球影城，細囝（右一）全程安坐喺BB車。（互聯網圖片）
另一邊廂，徐英偉嘅同事、商務及經濟發展局副局長梁敬國就選擇留港「還債」，尋日一家三口留喺旺角一個商場戲院大半日，連睇兩齣分別喺早上近十一時同下晝三時上映嘅卡通動畫電影。梁敬國形容尋日係自己嘅卡通日，又話囡囡鐘意睇由迪士尼製作嘅一齣卡通片，既然都出得去睇戲，最後決定打孖上，一次過睇兩齣卡通動畫，實行做跟得老竇咁話喎。
