香港市區空氣質素一直為人詬病，唔少人更因空氣污染而患上鼻敏感，全國青聯副主席施榮忻（Jaime）都有鼻敏感問題，不過佢有搵中醫做針灸治療，雖然拮針有啲得人驚，但佢話治療之後，情況好番唔少，忍吓痛都抵。

施榮忻利用中醫針灸治療鼻敏感。 （受訪者提供）

Jaime話，針灸治療係由醫師喺鼻施針，支針由左邊面分別穿過人中同眉心位置，再由右邊穿出，一睇就已經覺得痛，佢話聽落都以為危險，但佢幫襯咗呢位中醫兩年，雙方建立咗互信，仲大讚中醫拮得好，佢嘅鼻敏感情況依家已經好咗唔少！

不過，睇番佢拮針個樣，分分鐘會嚇親佢對年幼嘅寶貝仔女！

第一手消息請下載on.cc東網iPhone/iPad/Android/Windows Phone Apps