遇竊店舖職員：賊匪不乏南亞人
【本報訊】 聲請越南漢涉嫌在上水藥房偷六罐奶粉變賣圖利，職員何先生不諱言，藥房今年一月七日開業，至今店舖幾乎「日日都有人偷嘢，一個月可能唔見幾萬蚊貨」！賊匪可謂「乜人都有」，當中不乏越南人等南亞人士。
做法被質疑 「大家立場唔同」
何續稱，最多人偷的是化妝品，曾有一整箱貴價化妝品被偷，涉及款項約八千至一萬港元，藥房每月因被盜竊而造成的損失，平均便有數萬港元。另外他指出，曾試過有客人把行李篋放在店外被人偷去，「佢哋一次都唔見幾千蚊貨」。
至於今次，何指該名涉嫌盜竊男子，昨午二時許進入店內，未幾取了六罐奶粉後「冇畀錢就走」，職員見狀啣尾窮追，最終把該名男子截停並報警。期間，男子一度發難及逃走，故此用透明膠紙將他綑綁在落地竹棚。當被問及有網民指有關做法有濫用私刑之嫌，何則表示「大家立場唔同」，又謂「做生意經常畀人偷嘢，你會點吖？」
