立法會議員Ben陳恒鑌終於追到個仔！佢個仔尋日下午三點幾鐘出世，重七磅幾，分量十足，今次佢太太開刀生仔，佢就全程陪伴左右。阿Ben話本身已經有個女，所以生多個仔定女都冇所謂，最緊要係大細都平安，反而佢太太同媽咪就覺得生個仔會開心啲，因為樣樣都有啲嘛！至於大女就完全冇呷醋，仲已畫定幅一家四口嘅圖畫，貼喺門口等細佬返屋企。阿Ben最希望小朋友大個健康同開心，唔會太多功課，又笑指BB撞啱復活節假期前夕出世，搞到佢冇得示範無侍產假放喎！

陳恒鑌個仔重七磅幾，分量十足。（受訪者提供）

第一手消息請下載on.cc東網iPhone/iPad/Android/Windows Phone Apps