SUN搞作：何倍倩踏雪遊舊地

喺加拿大多倫多讀大學嘅何倍倩，近日舊地重遊溫哥華，尋找佢喜愛嘅雪景同睇藝術，一動一靜嘅視覺藝術令佢樂在其中。位於加拿大西海岸嘅Whistler滑雪場，係北美No.1滑雪場，佢話Whistler距離溫哥華市區約兩個小時車程，溫哥華機場更有穿梭巴士直達，交通方便。佢話：「我老公就好鍾意滑雪，自己反而鍾意睇雪景，嗰度雪景好靚，度假村裏面有啲設計特別嘅小屋旅館，仲可以去有『小瑞士』之稱嘅Whistler Town行街買嘢，嗰度有商店、畫廊同一啲幾有特色嘅餐廳，又可以行吓藝術館同美術館。」