政壇：黎慶寧耍「真太極」強身
唔少前高官退休後都「不在其位，不謀其政」，保安局前局長黎慶寧亦唔例外。黎慶寧自回歸後一年退位讓賢後，就去咗港大教書，鮮有喺公開場合露面，行事保持低調，就算露面都避談政治。佢面對記者識耍「太極」避而不談外，依家仲學識耍「真的」太極，佢透露最近先學太極，學嘅係楊家太極拳。
黎慶寧最近學識耍真太極，閒時亦會喺港島區行吓山。
黎慶寧尋日以皇仁書院大師兄身份，同一班師弟到「PMQ元創方」參加導賞團。講起以前讀中學，佢話以前好鍾意打籃球，仲要由中一打到會考前兩個月，但佢就冇加入校隊，只係與同學一齊打。雖然佢依家仲好鍾意做運動，可以強身健體，但隨着年紀愈嚟愈大，唔可以再打籃球喇，所以就轉玩太極。不過，佢年輕時行山嘅習慣依然會繼續，但呢幾年唔行得好遠，只係行吓港島區，而年輕時就會行吓西貢，覺得風景好靚喎。
