醫管局早年嘅醫院聯網劃界「畸形」，結果出現病人不能入就近醫院療養嘅怪現象，探病亦要長途跋涉。醫管局計劃重劃九龍區兩個醫院聯網，日後黃大仙居民可由伊院轉往黃大仙醫院療養；旺角居民可由廣華醫院轉到九龍醫院療養，預計明年實施，望改善病人跨網就醫嘅不便。醫管局幾個聯網有山頭主義 ，之前一直為人詬病，今次聯網重組，希望真係幫到病人同家屬啦。但有區議員斥「最大問題係資源不足，點調都無用」，最終能唔能夠徹底解決問題，就要睇梁智仁出咩板斧喇！
