SUN焦點：誤代入角色 以為轉頭翻生

家長勿避談生死

「猜枚同猜樓梯本身係無問題，最大問題係用咗啲負面、有暴力意識嘅字眼。」註冊臨床心理學家葉妙妍指，從心理學角度而言，語言會影響自身想法，如經常把一些說話放在口邊，會潛移默化影響思想，「可能慢慢就覺得自殺、殺人呢啲字句甚至行為無大問題。」

另一名註冊臨床心理學家鄒凱詩則表示，年紀愈小的人，愈容易受遊戲內容影響，「佢哋會輕視咗，甚至見遊戲入面嘅角色死咗，轉頭就可以翻生，令佢哋有錯誤意識，以為現實都係咁。」她建議家長多與子女溝通，了解他們的真實想法，亦不應視生死等話題為禁忌，避而不談。