城中鏡：林煒珽「攝」出原動力
日前喺一個藝術海濱派對中見到好多名人，包括依家幫爸爸林建名做娛樂工作嘅林煒珽，原來佢喺呢個禮拜內，已經去過幾個藝術活動，佢仲打算年尾再舉辦自己嘅個人攝影展覽。因為平時工作很繁忙，攝影係佢最大嘅嗜好，而舉辦個人攝影展係佢工作嘅原動力，所以佢很希望每年都能夠舉辦一次個人攝影展。問到會唔會搵旗下藝人充當模特兒，佢話呢個可能性好低，因為唔想興趣同商業活動掛鈎，但其實旗下藝人所拍攝嘅宣傳照片都係由佢操刀，但冇特別向外界透露啫！
林煒珽打算年尾再舉辦自己嘅個人攝影展覽。
林建億（中）有興趣向快餐飲食業發展，所以冇時間拍拖，自稱係單身一族。
同場仲見到林建億，佢最近同友人合資有機食物快餐店，仲打算喺一年內擴充至三或四間。佢話自己只係小股東，但有興趣向快餐飲食行業發展，所以根本冇時間拍拖，仲係單身一族喎。
王曼喜盼正視公平交易
專注網上生意嘅王曼喜就話正製作兩款限量版T-shirts，並分別將收益捐畀兩間唔同嘅慈善機構，佢真係好希望大家正視公平交易嘅重要性，又話呢份工係佢嘅終身事業，希望將來能夠全職喺呢方面工作。
龍殿兒就透露今年九月將會推出同名自家服飾品牌，係一個結合運動風格同具功能性嘅女性時裝商品。依家同一名畢業於香港理工大學嘅時裝設計師進行得如火如荼，但仲係造版階段，會首先以網上及喺美國同歐洲出售，但佢仲未決定由自己當模特兒抑或請朋友充當代言人。
