做大學校長真係一啲都唔易，除咗早前各大專院校嘅衝擊風波不斷外，近期又要應付學生自殺事件。尋日我哋喺沙田馬場見到中文大學校長沈祖堯，驚覺佢瘦咗成個碼，西裝鬆動，一臉倦容，面色唔多好，唔通同工作壓力大有關？沈祖堯對此點頭微笑話「係」。睇番舊年十月沈祖堯出席中大校董會會議時嘅相片，兩邊面頰都有啲肉地，依家就成塊面凹晒，早幾年佢仲話減肥，睇怕依家都唔使喇！
沈祖堯
