城中鏡：佗B留倩影 徐綺雯弗爆
早年下嫁澳門製衣業太子爺嘅模特兒徐綺雯，現在懷有八個月身孕。快榮升媽咪嘅佢，現時肚大如籮，但依然臉尖尖，手腳纖瘦，亦冇出現水腫嘅情況，令唔少人羨慕。前日佢特別搵攝影師為佢拍攝性感照作為懷孕日記，仲急不及待放上社交網站添！
徐綺雯分別穿上透視黑色同白色喱士裝，肥嘟嘟嘅大肚非常搶鏡，仲大讚腹中Baby影相時好配合。
佢透露今次拍攝咗四個小時，又話：「時間唔係好長，但已好攰，可能因為重咗三十幾磅，所以有啲坐骨神經痛。」見佢分別穿上透視黑色同白色喱士裝，肥嘟嘟嘅大肚非常搶鏡，仲大讚腹中Baby影相時好配合，佢話：「阿仔影相時候好乖好乖。」咁老公有冇影？佢話：「有，但只係影幾張，因為唔鍾意上鏡。」
