城中鏡：唐貝詩 鍾情制服Look
名媛寇鴻萍嘅女兒唐貝詩尋日以安全大使身份出席交通安全活動，問佢係咪好守交通規則？佢話：「算係㗎，我喺車度一定會戴上安全帶，仲會叫身邊朋友戴，唔係因為我做咗大使先咁樣，係我本身有呢個意識。我記得好深刻有一次睇新聞，見到有個人無戴安全帶，交通意外時佢爆咗隻眼，我嗰刻就知道原來戴安全帶咁重要。見到身邊啲朋友無戴我都會叫佢哋戴番，可能啲人會覺得戴安全帶好老土，尤其是男仔。」
唐貝詩
係咪好耐無着過制服？佢話：「係呀，我都幾鍾意着制服，一着咗有種入角色嘅感覺，我對上一次着制服係着校服囉！」追問男仔着制服會唔會特別吸引，又會唔會易啲追到佢？佢就話：「我未試過，做朋友唔會介意，我都想擴闊■自己■圈子。我有新男朋友喇，就係我嘅工作，依家好忙，唔會悶，唔會自己一個。」
