房屋委員會近日擬放寬一六/一七年度申請公屋入息同資產限額，將令合資格申請公屋戶增加八千五百戶。身兼房委會主席嘅運房局局長張炳良呢次「慷慨派公屋」，表面惠及基層，其實依家公屋輪候冊申請人已逾二十九萬，平均輪候時間長達三點七年，放寬限制但唔增建公屋，盞令人龍愈排愈長，上樓時間更長！張炳良嚟緊除咗要諗橋覓地建公屋，仲要考慮吓其他方法幫輪候冊申請人，否則政策又係撞大板得個吉。
