百仁基金主席、理文造紙主席李文俊正喺北京開會,今次會逗留個多星期,為同家人保持溝通,佢會盡量抽時間打視像通話。大家千祈咪以為視像係傾偈咁簡單,原來佢係透過視像通話督促兒子做功課同溫習,兒子亦會用WhatsApp向佢問功課,所以話做人父母真係少啲精力都唔得。

李文俊

李文俊話每次去北京天氣都唔錯,所以唔擔心受霧霾影響,加上太太已為佢準備咗足夠嘅蜂蜜水同潤膚膏,難怪無懼乾燥天氣喇!講番今次開會提案,佢透露內容同港青有關,包括幫港青喺內地搵工同埋解決內地就業嘅食宿問題。至於青年對社會嘅不滿情緒,佢話會從正面去睇,始終香港係個好地方,宣洩情緒都要守法喎。

第一手消息請下載on.cc東網iPhone/iPad/Android/Windows Phone Apps