呢輪好多公司舉行新春酒會或團拜，恒生銀行一連兩日喺中環總行博愛堂搞酒會，同一千八百個商業客戶開心團拜。尋日團拜上有個財神爺，扮相維肖維妙，原來係年逾八十歲、胡關李羅律師行創辦人之一關卓然律師。
關卓然（右三）以財神爺扮相登場，恒生一姐李慧敏（左三）一見都面露微笑。
關律師扮嘅財神一出場，即刻搶晒全場鏡頭，仲吸引好多參加酒會嘅人士同佢合影，趁機沾啲財氣，又係喎，關律師佢哋間大行同恒生銀行係多年商業拍檔，喺律師界又係翹楚，走咗寶，就後悔囉。
