政壇：搞搞政：點人甩轆補鑊 拉繩難敵拉布

鳴響15分鐘 內門繩攔隔

「甩轆」點錯人數，懷疑是有議員喺傳召鐘鳴響臨近十五分鐘才經側門進入會議廳，搞到秘書處職員疏忽冇計，秘書處尋日向全體議員發出文件，由今日開始，當立會傳召鐘已鳴響十三分鐘時，兩個側門入口的內門會開啟，相信是幫助秘書處職員睇清楚邊位議員趕到會議廳。如傳召鐘鳴響十五分鐘後仍不足開會法定人數，內門就會用繩攔隔，在十五分鐘後進入會議廳的議員，將不會計算入法定人數。現時會議廳正門的外門已實施攔繩措施，以防止議員在召鐘鳴響十五分鐘後，衝入會議廳。

其實側門攔繩可謂多此一舉，既然要安排專人在側門內門攔繩，為何不直接關門呢？莫非想在攔繩一刻，通容及時趕到的議員進入？再者，主席一般會等候秘書處職員最後確認法定人數，才宣布是否流會，但如果是職員數錯人數，這樣便是人為錯誤，而不是制度出問題了。