政壇：過檔貿發局 黃靜文變財女

喺舊年約滿、卸任中華廠商聯合會行政總裁嘅政制及內地事務局前副局長黃靜文，最近正式返新工，過檔貿易發展局任助理總裁，適逢尋日係貿發局春茗，黃靜文話依家返咗新工一星期，主要負責貿發局內務工作，包括人事編制及為貿發局制訂預算等。當問及係咪代表做咗貿發局嘅女財爺？黃靜文對此只笑不語，身旁嘅貿發局總裁方舜文則話黃靜文做過廠商會，管錢梗係冇問題，至於係咪佢本人介紹黃靜文入貿發局，方舜文承認二人相識好耐，但以上職位係經過公開招聘程序。