話說商務及經濟發展局局長Greg蘇錦樑上周宣布提早「跪低」，指如立法會本周大會仍未通過《二○一四年版權（修訂）條例草案》，政府將會「就此作罷」，外界估計於激進泛民繼續拉布下，版權法束之高閣嘅機會甚高。就喺呢個命懸一線之際，資訊科技界議員莫乃光忽然聯同會計界議員梁繼昌提出新建議，莫非莫乃光終於聞到燶味知驚，擔心版權法一旦觸礁，自己喺九月立會選舉嘅選情會大受打擊，因此要提早力挽狂瀾？

莫乃光（圖）同梁繼昌喺大會復會前，就版權法提出新方案。

立會大會明日復會審議版權法，莫乃光同梁繼昌尋日就舉行記者會，就版權法提出新建議，包括引入「非商業處理」方式，意即表演或錄製品如果唔係用作商業用途，就唔屬於侵犯版權。梁繼昌補充話若政府接受新方案，版權法有機會喺本立法年度通過。阿Greg接受傳媒查詢時話未收到有關新方案，重申拉布係會減低通過草案嘅機會，唔知莫乃光覺唔覺得係對牛彈琴呢？

第一手消息請下載on.cc東網iPhone/iPad/Android/Windows Phone Apps