城中鏡：美容教主鄭明明 邀友賀建校金禧
尋日喺一個春節聯歡活動中見到「美容教主」鄭明明，佢透露農曆年返回家鄉印尼度歲，之後再到台北旅行。問到女兒同孫女有冇同行？明明姐話：「之前喺香港拜咗早年，因為佢哋要去美國，我覺得太遠，我耳水唔平衡，受唔到氣壓。」又透露佢成立嘅蒙妮坦美容學校喺六月十六日就踏入半個世紀五十周年，屆時會喺會展筵開一百一十席慶祝，唔少好友如內地女星劉曉慶都會專程來港參與。
鄭明明（圖）透露，好友劉曉慶會專程來港一齊慶祝美容學校五十周年。
腹大便便嘅朱穎詩透露預產期喺七星期後。
轉頭遇到名人王賢訊嘅太太朱穎詩，懷有七個多月身孕嘅佢透露預產期喺七星期後，呢次係待產前最後一個公開活動，佢話依家仲未準備，但已有一子一女嘅佢笑言BB用品可以用番哥哥嘅。
朱穎詩製卡通書展播
此外，問到朱穎詩嘅南山七小福漫畫係咪會開拍卡通片？佢話：「係呀，依家係製作中，希望書展可以播放畀小朋友睇，希望二○一八年可以播出。」
