寶齊萊亞太區行政總裁Jerry曾國雄係超級馬迷，六十幾歲人已玩賽馬五十年，事關細細個已經跟爸爸學買馬，當年太細個唔可以入場，所以經常喺馬匹必經嘅大石鼓場外觀賽，既刺激又好玩，佢仲好懷念呢個集體回憶添！Jerry笑稱，可能因佢生肖屬馬，所以好鍾意賽馬，亦做咗多年馬主，仲因此參透唔少做人道理。好似鐘錶業近期生意淡靜，佢就好睇得開，因為人生就好似賽馬大熱倒灶一樣充滿意外，所以做人唔使太執着，亦毋須計得太盡喎。
曾國雄
