政壇：湯恩佳不遺餘力 港建孔廟好事近
話說孔教學院院長湯恩佳多年嚟爭取喺香港興建孔廟，到近年終於成事，獲黃大仙區議會通過喺鑽石山綜合發展區內興建。湯恩佳話孔廟已有晒興建計劃，唔使好耐就會同政府簽約，繼而動工，成功在望。佢介紹，孔廟最多可容納三十二萬人，連埋停車場面積更達三十萬呎，仲打算喺廟中設立全世界最大嘅孔子像添！
湯恩佳
佢又話過往三十年到訪過世界各地，旅途中一共捐出逾五百個孔子像，實行將孔子思想傳遍全世界。除咗推動孔教，原來佢亦幫印尼華僑成功爭取將大年初一列為法定假期，所以每年農曆新年都會到訪印尼。今個農曆新年都唔例外，佢就去咗印尼兩日一夜，只為同印尼總統拜年，真係夠晒地位。
