名媛虞茱迪尋日同員工食開年飯，仲點咗「撈起」取其意頭「風生水起」、「愈撈愈旺」。佢透露早前投資咗幾十萬，喺金鐘開設為期半年嘅鞋店pop-up store，仲以佢英文名Judy Yu嘅縮寫「JY's」為名。佢話：「因為全部品牌都係我搵，搵咗四個法國品牌，兩個意大利品牌，引入一啲新品牌嚟香港。」佢坦言自己早喺二十年前已從事鞋履生意，問佢會唔會考慮親自設計鞋履？佢話：「可以，一步步嚟。」佢又透露將到米蘭公幹十日，物色唔同嘅品牌到香港。問到有冇目標商品？佢話：「我冇話特別想搵啲乜嘢範疇嘅嘢，純粹通街行，揀商品都好睇緣分。」

虞茱迪同員工食開年飯，點咗「撈起」取其意頭「風生水起」、「愈撈愈旺」。

第一手消息請下載on.cc東網iPhone/iPad/Android/Windows Phone Apps