城中鏡：何倍倩共享靚裙行善

「恒生新抱」Anina何倍倩從商多年，深信共享經濟概念將係世界未來嘅大方向，佢亦身體力行支持，近日佢成為裙主，願意將自己嘅靚衫靚裙放租與眾共享。佢話：「其實好多人旅行會搵屋主共享房間、共享汽車，以減低旅行成本，我覺得概念幾好，最近我都成為一個租裙網的裙主，將着過一兩次嘅裙放喺度放租。」

何倍倩

佢話有啲女士會為出席隆重場合裝身而煩惱，因買一件得體嘅晚裝動輒要數千甚至過萬元，未必人人負擔得起，但租裙可以畀佢哋多一個選擇，可平價裝身做名媛。而且共享裙子佢自己都有得益，一來可以畀自己衣櫃減磅，二來佢會將租裙嘅全數收入捐作慈善，幫到有需要嘅人。