之前都講過立法會議員Ben陳恒鑌第二名孩子嘅預產期係三月中旬，距今約一個月佢已開始為太太產後派薑醋問題苦惱，佢尋日趁同傳媒團拜，疑搵記者做白老鼠，準備三款薑醋大搞試食，一人一票選出心水薑醋。

陳恒鑌準備三款薑醋，讓大家試食選出心水薑醋。

阿Ben喺三款薑醋試食時相當認真，多番提醒大家喺薑醋試食時唔好發表評論，擔心會左右其他人投票意願，最終結果係有兩款現成嘅薑醋得票不相伯仲雙雙跑出，拋離阿Ben搵專人製作嘅薑醋；而喺試食結果出爐後，阿Ben話已經有頭緒，認為中庸嘅味道最美味。唔知下月正式對外派發嘅薑醋，會唔會令大家搶住食呢？

第一手消息請下載on.cc東網iPhone/iPad/Android/Windows Phone Apps