一批學界代表正力爭取消特首校監必然制，修改相關大學條例內容等，曾於港英時代出任香港各間大學校監嘅末代港督「肥彭」彭定康，最近忽然馬後炮，自稱當年曾考慮辭任大學校監，但不獲各間大學批准喎。肥彭其後又話自己喺九七年返回英國，先後獲邀請同當選兩間英國大學嘅校監，由此聲言外界毋須感到驚訝，點解佢對大學嘅教與學、學術研究等方面有強烈睇法。

眾所周知，肥彭喺香港期間做滿各間大學校監任期，並喺九七年離開香港，豈料事隔近二十年，肥彭突然發表「校監辭職論」，似乎係攪局居多，事關香港八間大學學生會同職員，正兵分兩路舉行公投，爭取改革校委會或校董會，廢除特首校監必然制等，肥彭忽然講風涼話究竟所為何事，答案可謂不言而喻！

第一手消息請下載on.cc東網iPhone/iPad/Android/Windows Phone Apps