政壇：長毛酒會贈「㷫」啟戰幔

泛民陣營唔似得舊年全面杯葛，今次酒會共有八名泛民議員報名，但冇公文袋議員報名，就算報咗名都唔一定會出席，好似工黨嘅張國柱話要主持會議至晚上八點，所以出席唔到，仲話有一名九十多歲嘅婆婆因特首梁振英抵達立會，搞到行程受阻遲咗出席會議添！

長毛就趁曾鈺成致詞時搶先上台，希望將「一帶一路吹水督導獎」，同埋一九六六年騷動調查委員會報告書送畀梁振英，但梁拒收長毛嘅示威物品，直到長毛離場後酒會先繼續進行。

曾鈺成致詞時疑做「和事老」，呼籲官員同議員互相包容，利用餘下五個月時間處理好積壓嘅事務，做好對社會同市民有利嘅事，但話雖如此，一場酒會都未見和諧氣氛，可以預期未來數個月於議會嘅爭拗唔會停止。