面縫10針留疤「唔想見人」
【本報訊】「個男人反手用力抽落我塊面度！」慘遭摧花狂徒襲擊的李小姐，憶述當日回家，行經昌安樓的轉角位時，「突然間左手便有個男人衝咗出嚟……打完我之後就施施然咁離開！」李無辜捱打後，坦言「個嘴唇流血」。至於傷勢最重、面部需縫十針的吳女，樣貌標致，其男友昨指女朋友一向貪靚，惟今次受傷後，面部顯眼位置將會留疤，令她非常憂心，事發後更一度連朋友都唔想見，心情極低落，現時出入有陰影。
李小姐又感激好心的士司機，指遇襲後有的士在現場落客，她向的士司機求救，並坐上的士，一直保持距離尾隨兇徒往街市方向，期間有拍照及影片，希望可以拍到兇徒容貌，惟只拍到背面，之後到一棟大廈就失去其蹤影。李之後到急症室求醫，再到警署報案，她稱到達急症室時，「見到有個女仔鼻樑包住紗布」，之後得悉她亦疑被同一兇徒施襲。李事發後猶有餘悸，坦言「尋日出街都好驚」，行經轉角位會多加留意，「唔會咁貼牆行」，恐會再被人襲擊。猶幸自己是「傷勢最輕嗰個，依家好番好多，有搽藥膏」，希望警方盡快拘捕兇徒。
屋邨設夜間接送
不少公屋設有夜間接送服務，保障居民安全，居民如有需要，可致電屋邨辦事處要求接送。深水埗區區議員梁文廣指出，多年前富昌邨及榮昌邨已有此服務，但不算多人使用，甚至有人不知道，批評房屋署及屋邨管理公司宣傳不足，冀案發後更多女士得知有此服務。
