「有晒告示話明唔可以帶狗入嚟，但就總係有人會犯規。始終有啲小朋友驚狗，嚇親佢哋就唔好。」楊先生指，不時發現有人攜帶犬隻違規進入康文署轄下公園，早前又目睹銅鑼灣花園出現同樣情況，「見到佢拖住兩隻大狗入嚟，可能當呢度係捷徑，貪方便行返出去海皮嗰邊。」

有人攜同狗隻進入銅鑼灣花園，康文署指已違反公園守則。

康樂及文化事務署發言人表示，銅鑼灣花園嚴禁市民攜帶狗隻進入，已在主要出入口張貼告示以作提醒，職員亦有定時巡察，倘發現違規人士，會即時勸喻，一般而言市民都會將狗隻帶離花園，否則該署會考慮檢控，而接獲轉介後亦已加強巡視。

楊先生認為除康文署有責任處理外，狗主亦應自律，服從相關規定，以免他人使用休憩設施時再受滋擾，「要放狗就應該去狗公園，唔係吓吓要人睇住同講出聲先至守規矩。」