城中鏡：劉玉蓮 DIY拜年裝

日前喺一個活動見到新界鄉議局前主席劉皇發女兒Virginia劉玉蓮，本身係時裝設計師嘅佢當年結婚婚紗同裙褂都係自己親手設計，名副其實「自己衣服自己做」。雖然Virginia近年因為要照顧三個小朋友而少咗做時裝設計，但佢今年亦特別悉心幫自己設計咗套「拜年裝」，方便新春期間同身兼離島區議會副主席嘅老公余漢坤四出拜年。Virginia解構呢件衫，話除咗中式領口同泡泡袖口，佢最滿意都係領口位嘅花鈕，因為呢種緞製花鈕技術已經逐漸式微，要專登搵年老師傅訂製，隨着技術後繼無人，未來只會買少見少嘞！