城中鏡：鄺美雲 擇偶要愛狗
珠寶商人Cally鄺美雲、謝雪心等出席動物醫生活動，Cally飼養嘅三隻狗狗都係動物醫生，年資最長嘅已有十一年。被問過去嘅情人節點度過？佢話：「同一大班朋友食飯囉，嗰日初七人日嘛！今日元宵都係約咗朋友！」佢又笑稱冇畀朋友催拍拖，至於選擇男友係咪要對方愛護動物？佢話狗狗可愛，大家都喜歡。
鄺美雲帶同出席活動嘅愛犬都係動物醫生嚟。
至於謝雪心就話痛錫自己嘅愛犬，但唔會縱容，仲視狗狗為終生伴侶。提到工作，佢話正忙於拍攝新劇，而劇組會喺三月尾到越南胡志明市取景，目前仍未知有冇戲份，又笑謂有冇份拍攝都會去，佢話：「當探班啦，去食嘢囉！」
