眼見新界傳統文化愈來愈式微，為咗令年輕一代可以多啲了解新界傳統文化，一班鄉紳委託廣東社團總會會長兼秘書長簡松年個仔Ronald簡汝謙幫手開個facebook專頁，實行令年輕人多啲了解新界人。

簡汝謙幫手喺社交網站推廣新界傳統文化。

Ronald話依家嘅年輕人對新界傳統文化一知半解，希望透過利用社交網站介紹，以吸引年輕人注意。Ronald唔止後生，仲係青年事務委員會委員，理論上應該好熟悉年輕人動態。但成個推廣計劃依家十畫都未有一撇，依家喺社交網站上只搵到一個提供新界地區新聞嘅專頁，個專頁只得二十幾人讚好。唔知Ronald有冇把握搞旺個場，唔好重蹈覆轍呢？

第一手消息請下載on.cc東網iPhone/iPad/Android/Windows Phone Apps