政壇：吳傑莊送手作 冧爆老婆
上周發生嘅旺角暴亂，有唔少店舖受到波及，其中包括珠寶店金至尊。尋日見到金至尊數碼嘅行政總裁Johnny吳傑莊就話，好在最後店舖並冇損失，未來會唔會加強保安措施，就要交由其他同事處理，因為佢自己主要負責IT方面嘅工作。
吳傑莊（左）經常自製小禮物送畀太太。
咁啱尋日係人日兼情人節，Johnny透露，每年情人節都會預備小禮物畀太太，而佢仲特別偏好自己親手整嘅禮物添，好似拼貼舊相片同寫吓甜蜜語句，相比買現成嘅禮物，手造嘅物品更加多一份溫馨同心意，真係冧到爆。
