唔少女性司機嘅駕駛技術都被狠評到體無完膚,仲成日被取笑撈亂油門同腳掣,而且左右不分,甚至開得慢阻礙其他駕駛者等。不過,同樣為女司機嘅立法會議員梁美芬,就為一眾香港女性辯護,認為駕駛技術同方向感有關,但同性別無關,仲話認識唔少女車神,手車好過男司機添。

梁美芬

不過,梁美芬都認同,馬路上開得慢同較差嘅多數係女性,所以都明白點解社會上有人會認為女性就等於唔識開車嘅觀念。

梁美芬又透露,細個時曾目睹車禍,所以一直都唔敢坐車頭位置,直到去咗北京讀書先克服呢個恐懼。因為佢喺北京讀書時,出入一定要靠踩單車,所以被迫要喺大馬路上同汽車爭路,逼吓逼吓連心理恐懼都無埋,終於夠膽考車牌!

第一手消息請下載on.cc東網iPhone/iPad/Android/Windows Phone Apps