大年初六,一眾城中名人昨在元朗屏山鄧氏宗祠出席盆菜宴,著名時裝設計師鄧達智(William)今年搞咗個九十九席嘅大宴,全場爆滿,人數歷年最多,最後仲要額外加開至一百零三席,期間更有佢至愛嘅模特兒首次喺盆菜宴中演出一場時裝騷,引得歡呼聲四起。

鄧達智(右)獲楊素珊(左)等一班好友撐場出席每年一度嘅盆菜宴。

新界鄉議局前主席劉皇發女兒兼設計師劉玉蓮同丈夫余漢坤和子女、香港專業及資深人員會理事楊素珊、香港首位華人女騎師江碧蕙,以及首次參加盆菜宴嘅香港餐務管理協會主席楊位醒等都有出席。William話,雖然市道差咗,但絲毫不減佢對時裝嘅熱誠。

講番農曆新年習俗,楊素珊難忘童年過節最愛食糖果,親友送禮嘅杏仁糖同枕頭糖都令佢非常回味。楊位醒細個過農曆新年就常常同媽媽整年糕,話以前啲人鍾意蒸多過煎,老人家仲鍾意將糕點整成圓形多於方形,因為要取團團圓圓嘅意頭喎!

第一手消息請下載on.cc東網iPhone/iPad/Android/Windows Phone Apps