市道低迷，情人節商戶無生意，業界坦言情況係十年嚟最差。有食肆商戶無計可施，惟有去請求商經局局長卡片蘇諗諗計。

商　戶︰無客仔，拍烏蠅點算？

卡片蘇︰十年一遇，人生有幾多個十年，呢啲情況有幾何，學財爺話齋，忍耐吓喇。

商　戶︰忍忍忍，再忍我間舖就執笠！

卡片蘇︰咁咪啱囉，乘勢推出「執笠益街坊」優惠吸客。

商　戶︰唉，唔通我間中菜舖真係捱唔住？

卡片蘇︰嗱嗱嗱，賣中菜唔掂，咪試吓日本菜、韓國菜、法國菜……總有一款啱嘅。

商　戶︰得喇，我已經有所決定。

卡片蘇︰咁快，你決定揀邊款菜？

商　戶︰仲要問？梗係白菜喇！間舖做唔住，我仲唔係食「鹹魚白菜」咩！

第一手消息請下載on.cc東網iPhone/iPad/Android/Windows Phone Apps