政壇：辦公室戀情 有辣有唔辣
情人節來了，今時今日，有情飲水未必飽，愛情中的禁忌更唔少，其中一條係辦公室戀情，原來城中唔少辦公室一族對公司戀情都有啲睇法。
黃安盈唔抗拒辦公室戀情，因相處時間多啲。（資料圖片）
溫傑話公司戀情會影響判斷。（資料圖片）
中原資產管理高級副總裁黃安盈並唔抗拒辦公室戀情，仲話同行一齊工作、相處嘅時間多，話題都多啲。不過，佢見過一啲辦公室戀情未必開花結果，之後又要一齊工作，面左左又尷尬，最終搞到其中一方忍唔住辭職，真係幾唏噓。
新鴻基金融財富管理策劃師溫傑就話，辦公室戀情梗係唔好啦，尤其如果大家同一公司，有上司下屬關係，更可能影響判斷。
講到尾，即係公司戀情雖然方便，但係對唔少公司一族嚟講，都有辣有唔辣，愛情敲門雖然可喜可賀，但愛情閂門就手尾多。
