朋輩閱歷相近 易當局者迷
【本報訊】青少年有煩惱多與朋輩傾訴，心理專家指「當局者迷」易做錯決定。女童與年紀相若友人傾心事後，登上大廈墮樓身亡，社署臨床總心理學家劉家祖表示，青少年遇到的許多事，都可影響其情緒。而對他們來說，父母或是壓力來源之一，導致雙方未必有良好溝通，他們於是往往找來「講啲說話啱聽啲」的同齡朋輩傾訴。
宜求助長輩解決煩惱
但劉直言，「朋輩面對嘅問題差唔多，識嘅嘢又差唔多，大家都當局者迷，搵唔到解決問題嘅答案。」這情況下，他們或會以為無法解決困擾，容易互相感染，作出如尋死等錯誤決定，加上青少年相處或會有朋輩壓力，「大家講好一齊去（死），自己唔去就好似唔好咁」，或會造成集體自殺。
劉建議青少年若遇到不開心，甚至被欺凌，應及早主動尋找長輩協助，「屈埋喺心只會令自己愈嚟愈唔開心，久而久之仲會覺得係自己錯，先會畀人欺凌」，嚴重者更會造成抑鬱。而大人較多人生經驗，可以幫忙解決問題。父母和老師亦可多加留意子女和學生有否出現經常情緒低落、成績突然下滑，或是胃口不佳等抑鬱症狀，多關心他們。
