「呢度違泊問題好嚴重，好多條街都係由街頭泊到街尾，有時仲剷上行人路泊車，成個區好似露天停車場咁！」柴灣居民陳先生指怡泰街、怡順街、怡盛街及柴灣市政大廈外一段柴灣道經常有車輛違泊，危害途人安全，「要捐車罅先過到馬路，老人家睇漏眼見唔到有車嚟緊，就會好牙煙！」

怡順街一帶違泊嚴重，對行人構成危險。

警方發言人證實，過去一年就有關路段共接獲一百五十七宗投訴，期間發出五百零二張定額罰款告票。發言人承諾會繼續監察有關情況及加強執法。

陳先生直指情況未見改善，促請警方履行諾言，多加巡查並提出檢控，以打擊違例泊車，保障市民安全，「已經唔係一朝一夕、一個地點嘅問題，警方有必要正視，回應居民訴求。」