領展商場滲水整完都漏
商場滲水逾年，領展「整完都漏」！有市民反映大埔太和廣場每逢雨天均有多處天花出現滲水情況，去年中雖曾進行維修，惟問題至今依舊，領展僅以水桶盛載水滴。區議員周炫瑋批評領展擺設水桶陣屬暫緩措施，治標不治本，促盡快展開全面檢查及維修工程，以免雨季來臨時情況惡化。記者詹海萍報道
廣場內天橋近太和站B出口亦擺有水桶。
連接天橋的樓梯每逢雨天便被圍封及放置多個水桶。
連接天橋的電梯旁天花有滴水。
區議員周炫瑋
「次次落稍為大少少嘅雨，就會見到個商場擺晒水桶，搞到個場好似爛蓉蓉咁，其實上年都投訴過，係有某啲位置好咗嘅，但天橋嗰邊都仲係咁，仲多咗幾個位滴水！」呂太指太和廣場每逢下雨均有多個位置出現滲漏，需圍封並放置水桶盛水滴，情況持續逾年，由於有部分滲漏位置鄰近電梯及港鐵站出口，對途經市民造成不便。
下雨即圍封
呂太又表示，去年曾透過本報向領展反映有關滲漏問題，當時獲覆商場已作全面檢查並會安排承建商進行維修，而工程應於去年中已完成，不滿維修成效欠奉，「我嗰時都已經覺得喺雨季先嚟搞呢啲工程冇乜用，點知真係開口中，有乜理由整完半年都係咁，當初個防漏工程都唔知係咪求其整！」
記者曾多次到場視察，發現太和廣場內近天橋位置為重災區，兩邊的樓梯每逢下雨天即被圍封，並放置多個水桶，而近港鐵太和站A出口的電梯旁亦置有數個水桶，不時有水滴下。另外，太和站B出口位置亦有放置水桶。
促全面檢討
領展發言人表示，去年中有關設施完成維修後，夏天雨季期間滲水情況已見明顯改善，惟近期有關問題重現，經檢查後，現正積極研究進行大型維修工程，力求今年六月底竣工。
記者其後再到場視察，發現部分原放置水桶的地方已改為擺放年桔。
「維修完但係問題仲持續，領展有必要全面檢討，依家距離雨季仲有幾個月，領展應該即刻做檢查同埋防滲漏工作。」當區區議員周炫瑋指商場平日人流不絕，擔心水桶陣或對行人造成危險。周又批評安放水桶屬暫緩措施，領展應定時派員清理及確保地面乾爽，以免途人滑倒，並須盡快展開維修工程，以免雨季來臨時情況惡化。
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
逢星期一至五見刊
