仍然單身嘅名模Ankie貝安琪笑言希望今年猴年催旺姻緣運，佢話：「我之前都講過一直有追求者，但仲未有啱心水嘅人，仲等緊一個心地好嘅人出現，希望猴年會遇到，好多朋友話要介紹人我識，我覺得好辛苦。」咁佢點應對呢？佢就話：「我都會持一個公開嘅態度，畀啲機會人追嘅，我認為拍拖係好重要，因為可以做到生活平衡，我恨拍拖嘅，只係未遇到啱嘅人，寧願搵個啱，遲唔緊要。」

貝安琪希望今年猴年會遇到啱心水嘅人。

至於Ankie嘅媽媽劉香萍就話唔會催女兒拍拖，仲話：「唔催得o架，一催抉擇錯咗咪慘！」

第一手消息請下載on.cc東網iPhone/iPad/Android/Windows Phone Apps