本港近期樓價似有所回落，之前有消息話新居屋恐變負資產。房委會資助房屋小組主席黃遠輝話，房委會與房協最快在本月底，推出新一批共三千七百個資助房屋單位，唔排除會根據單位推出時嘅市況調整售價。如果按照樓價嘅走勢，稍為下調售價機會應該會較大。不過，黃遠輝指目前毋須為調整定價制訂硬性指標，否則會綁手綁腳。其實依家樓價仍然高企，就算下調售價，唔少市民仍然都負擔唔起。希望佢哋唔係出口術，畀假希望市民，而係真係有心幫大家置業啦！
