加入政府前素有「環保之花」外號嘅環境局局長政治助理Michelle區詠芷，雖然佢早前上載照片到社交網站被發現個樣殘殘哋，但好快又再容光煥發現身，狀態依然好弗。農曆新年前我哋再撞到Michelle同環境局局長黃錦星孖住出席活動，見佢趕及新正頭前剪咗個「湯碗頭」，清湯掛麵咁款相當清純，驟眼望落去當堂年輕咗十歲，唔通係不甘被指樣殘，換個新髮型想逆轉年齡？Michelle怕怕醜醜話絕對唔關事，亦都唔係為咗趕過農曆新年剪頭髮喎！
區詠芷
