香港國術總會會長Albert王嘉恩趁農曆新年相約一眾會員，包括副會長兼律師Brandon周國豐、建築師施家殷等，拍攝賀年照，舞動獅頭、擺出比武pose等，祝大家猴年生生猛猛、開開心心！攞住獅頭嘅Albert更成為集郵對象，成員輪流同佢合照，實在「少啲臂力都唔得」。向來有學習兵器同氣功嘅佢，笑言自己與同樣係武癡嘅Brandon一拍即合，不時以詠春過招，建立深厚友誼：「我見佢仲多過見我老婆！學武術令人心情平靜，頭腦同身手都靈活啲。」

王嘉恩（左）指自己與周國豐一拍即合，建立深厚友誼。

學咗詠春六年嘅Brandon笑言，家中兩個小朋友非常活潑：「佢哋依家學緊跆拳道，學詠春要多啲耐性，等佢哋大啲先教佢哋。」提到新年願望，佢希望事業蒸蒸日上，本身經營床褥生意嘅佢，更透露今年打算創立西裝品牌。

第一手消息請下載on.cc東網iPhone/iPad/Android/Windows Phone Apps