有祖堂地寮屋改建成劏房，但地政總署一味警告零檢控，等同變相縱容違法，咁樣做嘢，署長豪豪又點對得住納稅人？

市民︰點解唔採取行動？

豪豪︰我哋有行動，咪貼咗警告信囉！

市民︰依家叫你即刻執法檢控！

豪豪︰做錯事要畀機會人。

市民︰但係使唔使拖咁耐？

豪豪︰凡事去得太盡，緣分勢必早盡。

市民︰……好，學你話齋，我畀多次機會你喇，做嘢呀！

豪豪︰好喇好喇，我出多一次警告信先。

市民︰豈有此理，我都要畀「信」你！

豪豪︰咩信？唔會係投訴信啩？

市民︰係做事太「遜」呀！

第一手消息請下載on.cc東網iPhone/iPad/Android/Windows Phone Apps