政壇：妙芝譜「戀曲」 感動老友
名模歐陽妙芝每逢農曆新年，都要向男家同埋娘家拜年，所以例必留喺香港度歲，但係由於今年小朋友嘅假期較以往長，所以佢計劃一家人前往韓國，等兩名囝囝可以首嘗滑雪，佢話：「雖然有朋友認為滑雪好危險，但我想乜都畀小朋友試吓，而且我只係畀佢哋感受吓滑雪係點，唔係真係要由雪山滑落嚟。」
歐陽妙芝話或者搵個韓仔做ＭＶ嘅男主角，會有啲新鮮感喎！
或搵韓仔做MV男主角
提及新年願望，妙芝話舊年開始自己作曲同填詞，歌曲已經完成，但仍未錄音，佢為自己定下目標，希望可以喺猴年完成錄音同為歌曲拍攝MV，佢話：「首歌上年六月已經作好曲，但一直未填好詞，廣東話真係好難填，最後都係要搵朋友幫手完成，但個構思係我，內容係講愛情，好多人都有共鳴，有朋友睇完啲詞都喊，佢哋建議我錄音同拍埋MV。」
咁會唔會搵老公同囝囝出鏡？佢就話：「都可以，但乜都未諗，或者我搵個韓仔做男主角，會有啲新鮮感。」
