城中鏡：蔡加讚 項明生 祝讀者猴年旺相
喜事連連嘅旭日國際副主席蔡加讚、旅遊達人項明生祝願本報讀者同全港市民添丁發財、家肥屋潤、新春大吉。鴻運當頭嘅蔡加讚近年喜事停不了，佢同愛妻汪圓圓結婚之後努力造人，兩年抱三，相當厲害。蔡加讚話由於太太剛剛生咗一對可愛嘅雙胞胎囝囝，過年期間仍在坐月，所以今年過年全家唔出遊，佢同太太、大女兒同孖仔會留港過年，與爺爺、奶奶、公公同婆婆開心拜年。
剛剛添咗一對孖仔嘅蔡加讚會留港過年。
項明生難忘小時候磨湯圓皮嘅畫面。
搞作多多嘅項明生就祝大家身體健康、學業進步。項明生話童年時喺家鄉四川過農曆新年，好多應節食物都係自家製作，包括臘肉、臘腸同湯圓。佢經常負責磨湯圓皮，但由於年紀小，雙手唔夠長，所以要圍住個石磨跑，呢啲回憶至今難忘。
