城中鏡：嫻姐祝打工仔升職加薪
猴年到，多名政界名人齊向本報讀者同全港市民拜年。行政會議成員兼立法會議員葉劉淑儀祝大家猴年大吉大利。葉劉自言最愛過新年，記得以前住喺飛鵝山，會親自到坪石邨買蘿蔔返屋企，叫家傭炮製蘿蔔糕畀老公享用。佢分享秘訣話做蘿蔔糕最重要係蘿蔔多、料多，煎起嚟就會又香又好味。
陳婉嫻祝願打工仔猴年升職加薪。
蔣麗芸祝願全港市民身體健康。
劉業強（左）夥拍侯志強（右）為本報讀者送上新年祝福。
葉劉淑儀回憶過年自製蘿蔔糕畀老公享用嘅日子。
工聯會立法會議員陳婉嫻則祝願全港打工仔猴年「有薪加、有職升」，希望政府多照顧基層。近年立法會拉布成為常態，嫻姐希望討厭嘅點人數鐘聲快啲消失。另一位女議員蔣麗芸則祝大家身體健康。
新界鄉議局主席劉業強夥拍上水鄉事委員會主席侯志強，祝願本報讀者身體健康、萬事勝意。新一年全港市民和諧共融！自小喺圍村長大嘅侯志強話小時候每逢過年最開心，因為大家會四處放煙花，佢就會逐家逐戶食嘢，諗起就開心，可惜呢啲傳統節慶已經式微。
