經濟寒冬，百業蕭條，市民都希望預算案會有紓困措施。不過財爺鬍鬚曾對此就大賣關子，令到市民心癢難當。

鬍鬚曾︰忍耐吓，忍耐吓。

市民︰仲要忍？依家講唔得咩？

鬍鬚曾︰有云百忍成金，忍忍吓就有金！

市民︰咁使唔使要埋夜行衣同飛鏢？

鬍鬚曾︰有關係咩？

市民︰你呢個守財奴，一味叫人忍，我哋仲唔係「忍者」咩？

鬍鬚曾︰……都係嗰句，忍耐吓。

市民︰唔得，我忍唔住要爆喇！

鬍鬚曾︰就算你爆都無用，我都係唔會講。

市民︰無所謂，是可忍孰不可忍，滿腔怒火，受我幾嘢再講！

第一手消息請下載on.cc東網iPhone/iPad/Android/Windows Phone Apps